Төв аймгийн хүндэт иргэд тодорлоо

Богдхан уулын аймаг байгуулагдсаны түүхт 100 жилийн ой, Төв аймгийн баяр наадмыг тохиолдуулан ИТХ-ын төлөөлөгчдийн хурлын XV хуралдааны 13 дугаар тогтоолоор аймгийн эдийн засаг, нийгмийн хөгжилд тодорхой дэмжлэг туслалцаа үзүүлж, эрхэлсэн ажилдаа амжилт гарган, үйл ажиллагаа нь аймгийн иргэд, хамт олон, мэргэжлийн байгууллагад үнэлэгдсэн, мэдлэг боловсрол, хуримтлуулсан баялаг туршлагаа улс эх орон болон төрөлх нутгийнхаа үйл хэрэгт зориулж, идэвх зүтгэл гаргаж буй зарим иргэдийг Төв аймгийн “Хүндэт иргэн” цол хүртээлээ.

• Зуунмод сумын уугуул, УИХ-ын гишүүн Нямаагийн Энхболд
• Алтанбулаг сумын уугуул, UBS телевизийн ерөнхий захирал, найруулагч, хөгжмийн зохиолч Лхагвадоржийн Балхжав
• Баянцагаан сумын уугуул, Монгол улсын Ардын жүжигчин Аюурзанын Долгор
• Баянцогт сумын уугуул, Монгол улсын Хөдөлмөрийн баатар, малчин, саальчин Самбуугийн Наранцэцэг
• Баян-Өнжүүл сумын уугуул, Монгол улсын Гавьяат дасгалжуулагч, Монгол улсын арслан, Ардын багш Лувсанчимэдийн Сосорбарам
• Жаргалант сумын Өгөөмөр багийн өндөр настан, Монгол улсын Хөдөлмөрийн баатар Чимэг-Очирын Шаравдорж
• Сэргэлэн сумын уугуул, Тод манлай уяач Дамбадаржаагийн Онон
• УИХ-ын асан, Төв аймгийн Нутгийн зөвлөлийн тэргүүн Сундуйн Батболд
• Дэлгэрхаан сумын уугуул, Харанга хамтлагийн ахлагч, МУУГЗ Цэрэндоржийн Чулуунбат
• Бүрэн сумын уугуул, Үйлчилгээний гавьяат ажилтан Баатарын Туул
• Зуунмод сумын Баруун-Зуунмод багийн иргэн, МУГЖ, Зууны манлай хос дуучин Үржингийн Вандан, Дэмбэрэлийн Дуламсүрэн нар Төв аймгийн “Хүндэт иргэн” цол хүртэв.

Мөн аймгийн ИТХ-ын “Үндэсний соён гэгээрүүлэгч, шашин соёлын нэрт зүтгэлтэн, үндэсний эрх чөлөөний төлөө тэмцэгч II Богд ЛувсандамбийДонмэ”-ийн нэрэмжит шагналаар:

• Хууль зүйн салбарыг хөгжүүлэх, хууль ёсыг бэхжүүлэх, нийгмийг соён гэгээрүүлэхэд оруулсан хувь нэмрийг нь үнэлж Бүрэн сумын уугуул Ширчингийн Сүхбаатар
• Буддын шашин, соёлыг хөгжүүлэх, энэрэн нигүүлсэхүйн үзэл санааг түгээн дэлгэрүүлэх үйлсэд оруулсан хувь нэмрийг нь үнэлж Зуунмод сумын Дашчойнхорлин хийдийн хамт олон
• Хүүхэд, залуучуудын боловсрол, хөгжлийг дэмжих, орчин нөхцөлийг сайжруулах, боловсрол, соёл, эрүүл мэнд, нийгмийн салбарт оруулсан хөрөнгө оруулалт, хувь нэмрийг үнэлж “Доржгочоо сан”-ийн хамт олныг тус тус шагналаа.
• 
•