Улаанбаатар дахь Русский Дом 2026 оны 01-р сараас эхлэн монгол сэтгүүлчдэд зориулсан орос хэлний дамжаа нээнэ

Евгений Примаков 2026 оны нэгдүгээр сард Монголын сэтгүүлчдэд зориулсан хэлний курс нээхээ мэдэгдсэн. 2025 оны 04-р сарын 07-нд Холбооны Россотрудничество агентлагийн дарга Евгений Александрович Примаков болон гадаадын хэвлэл мэдээллийн төлөөлөгчдийн хооронд онлайн хурал болов. Тус арга хэмжээнд ТУХН-ийн орнууд /Тусгаар улсуудын хамтын нөхөрлөл/, Европ, Африк, Азийн сэтгүүлчид оролцсон. Чуулганд Монгол Улсыг төлөөлж: – MNB телевизийн “Voice of Mongolia” нэвтрүүлгийн редактор Г.Ариунболд, -ИТАР-ТАСС-ын Монгол дахь төлөөлөгчийн газрын дарга Туяна Зандуева, -“UBS”, “AIST Global” сувгийн хөтлөгч, “Шинэ үе 2024” хөтөлбөрийн оролцогч Б.Цэрэнлхам байсан болно. “Россотрудничество”-гийн тэргүүнтэй ярилцах үеэрээ Монголын сэтгүүлчдийн мэргэжил дээшлүүлэх, хөгжүүлэх боломжийн талаар хоёр асуулт тавьсан юм.

1️.Шинэ үе” хөтөлбөрт дахин хамрагдах боломж: Евгений Примаков дахин оролцохыг одоогоор төлөвлөөгүй байгааг нотолсон ч ирээдүйд үүнийг хийх боломжтой ерөнхийлөгчийн шинэ зарлигийн ажил хийгдэж байгааг мэдэгдэв. Мөн тэрээр Россотрудничество залуу сэтгүүлчид, хэвлэл мэдээллийн мэргэжилтнүүдэд зориулсан “Интерновости”, “Шударга үзэл” зэрэг бусад төслүүд, солилцоо, боловсролын янз бүрийн хөтөлбөрүүдийг хэрэгжүүлж байгааг дурдав.

2.Монголын сэтгүүлчдэд зориулсан хэлний дэмжлэг: Евгений Примаков сэтгүүлчдийн орос хэлний мэдлэг дутмаг байгаатай холбоотой бэрхшээлийн талаарх асуултад хариулахдаа Улаанбаатар дахь “Русский дом”-д аль хэдийн бүтэн жилийн турш орос хэлний сургалт явуулдаг болсон тухай мэдээлэв. Тэд төлбөртэй гэхдээ бэлгэдлийн үнээр – сонсогчдын хүсэл эрмэлзэл, сахилга батыг нэмэгдүүлэх зорилготой. Түүнчлэн 2026 оны 01 сарын 14-ний өдрөөс эхлэн Оросын хэвлэлийн өдөр, Улаанбаатар хотод Оросын шинжлэх ухаан, соёлын төв нээгдсэний ойг тохиолдуулан сэтгүүлчдэд зориулсан орос хэлний тусгай сургалтыг эхлүүлэхээр төлөвлөж байна. “Эхнээс нь” гэсэн бэлгэдлийн нэртэй энэхүү сургалтууд Монголын хэвлэл мэдээллийн салбарын сонирхсон бүх хүмүүст нээлттэй.