Автомашиныг улсын дугаарын тэгш, сондгойгоор зорчуулах эсэхийг маргааш Засгийн газарт танилцуулсанаар эцэслэнэ

Сар шинийн баяртай холбоотойгоор авто замын түгжрэл нэмэгдэж байгаа тул Нийслэлийн Засаг даргын Тамгын газраас  замын ачааллыг бууруулах зорилготой энэ сарын 15-28-ны хооронд автомашины улсын дугаарын тэгш, сондгойгоор зорчуулах эсэх тухай  иргэдээс санал асуулга авсан.

Иргэдээс авсан санал асуулгын дүнг маргааш Засгийн газрын хуралдаанд танилцуулах аж. Үүний дараа автомашины улсын дугаараар тэгш, сондгойгоор зорчуулах эсэхээ эцэслэн шийдвэрлэх юм байна.