![](https://newslife.mn/wp-content/uploads/2023/03/f7d411_nissan4_x974.jpg)
БОАЖЯ-ны албан хаагчид уур амьсгалын өөрчлөлтийн эсрэг, агаар орчны бохирдлыг бууруулахад хувь нэмэр оруулж цахилгаан автомашин хэрэглэхийг уриалж байна.
Ц.Мөнхбат: Цахилгаан машин эдийн засгийн болон экологийн өндөр ач холбогдолтой
БОАЖЯ-ны Хүрээлэн буй орчны бодлого зохицуулалтын газрын мэргэжилтэн Ц.Мөнхбат: “Миний хувьд 5 жил цахилгаан автомашин унаж байна. 5 жилийн хугацаанд цахилгааны нийт төлбөр 945.000 төгрөг гарсан. Жилд 200 хүрэхгүй мянган төгрөг цахилгааны төлбөрт төлсөн гэсэн үг. Мөн 1.5 мотортой бензин автомашины жилд 3.5-4 сая төгрөг зарцуулдаг гэсэн тооцоо байдаг. Тэгэхээр цахилгаан машин эдийн засгийн болон экологийн өндөр ач холбогдолтой юм” хэмээв.
БОАЖЯ-аас цахилгаан автомашины тоо хэмжээг дэлхийн чиг хандлагатай уялдуулан нэмэгдүүлэх зорилгоор дараах ажлуудыг санаачлан хэрэгжүүлэхээр ажиллаж байна.
![May be an image of outdoors](https://scontent.fuln1-1.fna.fbcdn.net/v/t39.30808-6/337044794_178837874933789_5003844110186812195_n.jpg?_nc_cat=105&ccb=1-7&_nc_sid=8bfeb9&_nc_ohc=4QolULnC-5EAX-cYMKN&_nc_ht=scontent.fuln1-1.fna&oh=00_AfC5A7dOoeOXUTQUI1xYXCubwseUgXkUmb4sM_3MYXhC3A&oe=64209FC3)
- БОАЖЯ-ны зогсоол цахилгаан автомашины түргэн цэнэглэгчтэй болсон байна.
- Цахилгаан автомашиныг 2030 он хүртэл Онцгой албан татвараас хөнгөлөх, чөлөөлөх;
- Цахилгаан автомашины түргэн цэнэглэгчийг Гааль, НӨАТ-аас чөлөөлөх;
- Улсын хэмжээнд түргэн цэнэглэгч станцын сүлжээ байгуулах;
- Шинээр баригдах барилга, орон сууцны авто зогсоолд зогсоолын тооноос хамааран 1-2 түргэн цэнэглэгчтэй байх шаардлагыг барилгын зураг төслийн шатанд хянаж, баталдаг байх /2024 оноос мөрдүүлж эхлэх/;
- Цахилгаан автомашиныг төлбөртэй зогсоолын төлбөрөөс бүрэн чөлөөлөх байнгын шийдвэр гаргах;
- Шөнийн цагт үнэ төлбөргүй цэнэглэх боломжийг бүрдүүлэхээр ажиллаж байна.
Уур амьсгалын өөрчлөлтийг бууруулахад хүн бүрийн оролцоо чухал юм.
0 cэтгэгдэлтэй