НЭМГ: Томуугийн дархлаажуулалтын хамралт 79.5 хувьтай байна

 Томуу томуу төст өвчний 01 дүгээр долоо хоногийн мэдээгээр  томуугийн харуулдан тандалтын нэгжүүдээс ирүүлсэн 185 сорьцонд шинжилгээ хийхэд 14.5 хувийг томуугийн А(H1N1)pdm вирус, 10.8 хувийг томуугийн В вирус, 0.5 хувийг томуугийн А(H3N2) вирус, 0.5 хувийг  SARS-CoV2 вирус тус тус илэрсэн байна.

Түүвэр сонголтоор 31 сорьцонд амьсгалын замын халдвар үүсгэгч бусад вирус илрүүлэх шинжилгээгээр 16.1 хувийг риновирус, 9.6 хувийг амьсгалын замын синцитиал вирус, 3.2 хувийг иж томуу вирус, 3.2 хувийг бокавирус тус тус эзлэж байна.

    Нийслэлийн хэмжээнд томуугийн дархлаажуулалтад 194513 хүнийг хамруулсан. Үүнээс 1-12 насны 132878, жирэмсэн 1021, архаг хууч өвчтэй, 65-аас дээш насны 56120, эрүүл мэндийн ажилтан 4574 байна. Нийт хамралт 79.5%- тай байна.

Томуу томуу төст өвчнөөс урьдчилан сэргийлье!