П.Ганзориг ХҮН намын генсекийн ажлаас өөрийн хүсэлтээр чөлөөлөгдлөө

ХҮН намын ээлжит VIII Их хурал өнөөдөр болж өндөрлөлөө. Өнөөдрийн хурлын эхэнд ХҮН намын дарга Т.Доржхандыг намын даргаар улираан сонгох асуудлыг хэлэлцэж 91.7 хувийн саналаар түүний бүрэн эрхийг дөрвөн жилээр сунгасан.

Харин тус намын Ерөнхий нарийн бичгийн дарга, УИХ-ын гишүүн П.Ганзориг намын генсекийн ажлаа хүлээлгэн өгсөн байна. Тэрбээр өнгөрсөн 5 жилийн хугацаанд намынхаа Гүйцэтгэх зөвлөлийг удирдан, намын бусад бүтцийн байгууллагуудтай уялдуулан чиглүүлж ХҮН намаа Үндэсний хэмжээний нам болгон хөгжүүлэх, Шинэ үеийн дэвшилтэд нам болгон бэхжүүлэх, Төр засгийн ачаа үүдэг нам болгон төлөвшүүлж, намын дотоод ардчилал, хамтын шийдвэрүүдийг бэхжүүлэх зэрэг үндсэн зорилгуудаа намын нийт гишүүд болон бүх шатны байгууллага, журмын нөхдийн хамт амжилттай хийж хэрэгжүүлжээ.