Олон улсын геологийн II аварга шалгаруулна

Аварга шалгаруулах тэмцээний хөтөлбөрт: геологийн маршрут, шлихийн сорьц авах ажиллагаа, геологийн зүсэлт, палеонтологи, радиометри, геохими, гидрогеологи, газрын тос, байгалийн хийн салбарын тэмцээн, геологийн тухай үндсэн мэдлэгийн сорилт зэрэг багтана.

 Соёл урлагийн болон хөгжөөнт хөтөлбөрт: “Мэргэжлийн өдөр”, сургалт семинарууд, “Баатруудын уралдаан”, түүдэг галын дэргэдэх тухтай үдэш, Бүгд Найрамдах Башкортостан улсаар аялал, тэмцээнүүдээс шалгарсан оролцогчдод шагнал, бэлэг гардуулах ёслол зэрэг үйл ажиллагаа орно.

Оролцох нөхцөл:

1. 1 багийн бүрэлдэхүүнд 1 улсаас өөр өөр боловсролын байгууллагын оюутнууд багтаж болно.

2. Баг бүр 7 оюутан, 1 харгалзагч хүнээс бүрдэнэ.

3. Дээд боловсролын байгууллага, дунд мэргэжлийн боловсролын сургалтын байгууллагуудын геологийн мэргэжлээр суралцаж буй оюутнууд оролцож болно.

4. Багийг харгалзан яваа хүн англи хэлтэй байх ёстой.

5. Аварга шалгаруулах тэмцээнд улс бүрээс нэг л баг оролцох боломжтой.