Буриад Улсын оюутан, сурагчдад Халх голын ялалтын ач холбогдлын тухай лекц уншив

newslifemn 2024-05-14

ОХУ-ын Бүгд Найрамдах Буриад Улсын Улаан-Үд хотноо Зөвлөлт-Монголын дайчдын Халх голын дайнд  ялсны 85 жилийн ойд зориулсан “Халх голын ялалт-бидний хамтарсан ялалт” нэртэй төслийн эхний шат 2024 оны 5 дугаар сарын 7-9-ны өдрүүдэд зохион байгуулагдлаа. Энэ хүрээнд А.М. Горчаковын Олон нийтийн дипломат харилцааг дэмжих Сангийн дэмжлэгтэйгээр Шинжлэх ухаан, соёлыг дэмжих залуучуудын Хангарьд холбоо тус арга хэмжээг зохион явуулав.

Ажлын хөтөлбөрийн хүрээнд 2 удаагийн дугуй ширээний ярилцлагын явцад орос, монголын эрдэмтэд түүхэн өвийг хадгалан авч үлдэх, залуучуудын эх оронч хүмүүжил, Дэлхийн II дайны өмнөх түүхэн үйл явдлыг хэрхэн авч үзэж байгаа тухай хэлэлцлээ. Халх голын дайн ба орчин үеийн орос, монголын түүхчдийн энэ дайны талаар баримталж буй чиг шугамд онцгой анхаарал хандуулав.
Монгол Улсын БХЭШХ-ийн  Цэргийн түүх судлалын төвийн дарга Дэд хурандаа И. Эрдэнэсүрэнгийн хэлснээр, Халх голд Японы арми ялагдсан нь  Квантуны армийн командлал цэргээ татан авахаас өөр аргагүйд хүргэж, Киичиро Хиранумагийн Засгийн газрыг огцроход хүргэсэн хэтийн үр дагавар дагуулжээ. Эрдэмтэний  тодотгосноор энэ нь ЗСБНХУ-ын хүчин чадлыг харуулж, ЗСБНХУ ба БНМАУ-ын бат бэх найрамдлын бэлэг тэмдгийн ээлжит баталгаа болсон.
“Монгол-оросын харилцааны түүхэн өв уламжлал нь  эдгээр үйл явдлыг зөвхөн санан дурсах төдийгүй манай хоёр улсын орчин үеийн төрийн бодлогын оршин тогтнох үндэс суурь юм. Энэ нь бидний ирээдүйн замыг гэрэлтүүлэх тод жишээ юм” хэмээн Буриад Улс дахь Оросын түүхийн нийгэмлэгийн салбарын хариуцлагатай нарийн бичгийн дарга, түүхийн ухааны доктор (PhD), ОХУ-ын ШУА-ын Сибирийн салбарын Монгол, будда, Түвд судлалын хүрээлэнгийн эрдэм шинжилгээний ахлах ажилтан Евгений Нолев нэмж хэллээ.
Тус арга хэмжээний хүрээнд орос, монголын эрдэмтэд Буриад Улсын их дээд сургуулиудийн оюутнуудад зөвлөлт-монголын дайчид Халх голд Японыг бут цохисон ялалтын түүх ба ач холбогдлын талаар лекц уншив.
This image has an empty alt attribute; its file name is DSC_0167-copy.jpg

5 дугаар сарын 9-ны өдөр эрдэмтэд, хэвлэл мэдээллийн төлөөллөөс бүрдсэн монголын төлөөлөгчид Улаан үүд хотын төв талбайд Ялалтын баяр тэмдэглэхэд оролцов.

Post Views: 366

Холбоотой мэдээ

2023 онд нийслэлийн өмчит 10 газар ашигтай ажиллажээ

Нийслэлийн сонгуулийн хороог 9 хүний бүрэлдэхүүнтэй байгуулна

“Монгол Улсын Төрийн далбааны өдөр” тохиож байна

© 2024 Бүх эрх хуулиар хамгаалагдсан.