ЕБС, цэцэрлэгийн орчны аюулгүй байдлыг сайтар бүрдүүлж, хүүхдийг эрсдэлээс  сэргийлэх  арга хэмжээг эрчимжүүлэхийг даалгав

 Нийслэлийн Баянгол дүүргийн Удирдах ажилтны ээлжит Шуурхай зөвлөгөөн (2023.08.16) болж, дүүргийн Засаг даргын үүргийг түр орлон гүйцэтгэгч Д.Жаргалсүрэн удирдан явууллаа.

Хурлын эхэнд өнгөрсөн шуурхай зөвлөгөөнөөс өгсөн үүрэг даалгаврын биелэлтийг Төрийн захиргааны удирдлагын хэлтсийн дарга Б.Мөнгөнхуяг танилцууллаа. Өнгөрсөн шуурхай зөвлөгөөнөөс нийт 22 үүрэг даалгавар өгсөн. Тэгвэл өгсөн үүрэг даалгаврын 20 нь 100, нэг нь 90, нэг нь 70 хувь буюу 93.9 хувийн биелэлттэй хэрэгжсэн байна.

Тухайлбал, өнгөрсөн Шуурхай зөвлөгөөнөөр Нийслэлийн 2023-2024 оны өвөлжилтийн бэлтгэл ажлыг сайтар хангаж, инженер хангамжийн засвар, шинэчлэлийн ажлыг эрчимжүүлэх, нөхөн сэргээлтийн ажлыг стандартын дагуу хийж гүйцэтгэх, хэрэгжилтэд тогтмол хяналт тавьж ажиллахыг, мөн гамшиг ослын болон гол, үер усны аюулаас урьдчилан сэргийлэх, авто замын барилга, байгууламжийн хэвийн үйл ажиллагааг хангах, үерийн далан сувгийн засвар шинэчлэл, цэвэрлэгээний ажлуудаа эрчимжүүлж ажиллах үүрэг даалгаврыг холбогдох хэлтсүүдэд өгсөн. Тэгвэл дээрх үүрэг даалгаврууд 100 хувь хэрэгжсэн байна.

Шуурхай зөвлөгөөний үеэр дүүргийн Эрүүл мэндийн төв, цагдаагийн газар, Худалдан авах ажиллагааны алба болон Тохижилт нийтийн аж ахуйн хэлтэс, “Баянгол Шинэ Өргөө” ОНӨТҮГ-аас цаг үеийн мэдээллийг өглөө.

    Тохижилт, нийтийн аж ахуйн хэлтсийн ахлах мэргэжилтэн Г.Нямсүрэн дүүргийн хэмжээнд улс, нийслэл, дүүргийн төсвийн хөрөнгө оруулалтаар хийгдэж байгаа ажлын явцын талаарх мэдээллийг өглөө. Тухайлбал, Баянгол дүүрэгт 2023 онд 1, 16, 24, 33-р хорооны 4 байршилд авто замын ажил хийхээр төлөвлөсөн. Үүнээс өнөөдрийн байдлаар:

• 1-р хороо, Богд-Ар хороолол,
• 24-р хороо, Алтай хотхон, Дунд гол дагуух зам
• 33-р хороо, 67-р байр орчмын замын ажил эхэлсэн бол 16-р хороо, “БОСА” төвийн хойд талын зам шинэчлэн засварлах ажил хараахан эхлээгүй байна.

Түүнчлэн энэ онд дүүргийн хэмжээнд 8 хорооны 8 байршилд авто зогсоолын ажил хийгдэхээр төлөвлөсөн. Үүнээс 4 байршил буюу 5-р хороо, “Тэмүүлэл хотхон”, 14-р хороо, 13б байрны ар тал, 4-р хороо, 20 дугаар сургуулийн баруун талд, 2-р хороо, далан дагуу 33-р хороо, 66,67 байрны авто зогсоолын ажил дууссан байна. Одоо 10-р хороо, Хорооны цогцолбор байрны урд талын зогсоолын ажил хийгдэж эхэлсэн бол 23-р хороо, Хорооны байрны урд тал, 3-р хороо, 41-р байрны зүүн талын зогсоолын ажил удахгүй эхэлнэ гэлээ.

Түүнчлэн энэ энд дүүргийн хэмжээнд 18 хорооны 38 байршилд явган замын ажил хийгдэхээс өнөөдрийн байдлаар 22 байршилд ажил хийгдэж, зарим нь дуусаад байна.

Үүнээс гадна энэ онд ДТХО-аар хийгдэж буй томоохон ажил нь 24, 26-р хороонд байрлах “Алтай хотхон” “Нарны хороолол”-ын дунд  хийгдэж буй явган хүний гүүрэн гарцын ажил бөгөөд гүйцэтгэгч компани ажлаа эхлүүлсэн гэдгийг онцоллоо.

    Дүүргийн Худалдан авах ажиллагааны албанаас 2023 онд зохион байгуулж буй ажлын талаарх мэдээллийг өглөө.

Тус албаны ахлах  мэргэжилтэн Ч.Анхбаярын өгсөн мэдээллээр “Дүүргийн худалдан авах ажиллагааны албанаас 2023 онд нийт 11,8 тэрбум төгрөгийн 47 төсөл арга хэмжээний худалдан авалтыг зохион байгуулж, ажиллаж байна. Үүнд нийслэлийн орон нутгийн хөгжлийн сангийн хөрөнгө оруулалтаар 4, орон нутгийн хөгжлийн сангийн хөрөнгө оруулалтаар 12, орон нутгийн төсвийн хөрөнгө оруулалтаар 20, дүүргийн бусад зардлаар санхүүжих 11 төсөл арга хэмжээ байна. Үүнээс оролцогчгүй цуцлагдсан 7, тендер зарлагдсан 1, тендерийн үнэлгээ хийгдэж байгаа 1, гэрээ байгуулагдсан, зөвлөмж хүргүүлсэн 38 төсөл арга хэмжээ байна.

Хэрэгжиж эхлээгүй зарим төсөл арга хэмжээний тухайд тендер зарласан ч оролцогчгүй гэсэн шалтгаанаар 2-6 удаа цуцлагдсан гэсэн мэдээллийг өглөө.

    Шуурхай зөвлөгөөний үеэр дүүргийн Эрүүл мэндийн төвийн дарга З.Балдандугар цаг үеийн мэдээлэл өгсөн. Ингэхдээ “Дүүргийн Эрүүл мэндийн төвөөс иргэддээ эрүүл мэндийн тусламж үйлчилгээг цаг алдалгүй хүргэж ажиллаж байна. Энэ зуны хувьд нийслэл хотод бороо их орсноос үер, ус их байсан. Үүнээс шалтгаалж гэдэсний халдварт өвчний гаралт нэмэгдсэн ч эрүүл мэндийн байгууллагаас шаардлагатай арга хэмжээ, тусламж үйлчилгээг хүргэж ажиллалаа.

Удахгүй хичээлийн шинэ жил эхлэх гэж байгаатай холбоотойгоор цэцэрлэгийн багш болон хүүхдүүдээс эрүүл мэндийн шинжилгээ авна. Энэ ажлыг дүүргийн Боловсролын хэлтэс, НХХ-ийн хэлтэстэй хамтран нарийн хуваарь гаргаж, аль болох эцэг эхчүүд болон хүүхдүүдэд хүндрэл чирэгдэл үүсгэхгүйгээр зохион байгуулна гэдгийг хэллээ.

    Баянгол дүүргийн Цагдаагийн газрын дарга, цагдаагийн хурандаа Н.Сумъяа 2023 оны долдугаар сарын 15-аас наймдугаар сарын 14-ний хооронд дүүргийн нутаг дэвсгэр дээрх гэмт хэрэг, зөрчлийн талаарх тоон мэдээллийг нийт удирдах ажилтнуудад өглөө. Энэ үеэр дүүргийн ЗДТГ-аас Цагдаагийн газар хамтран хариуцсан нутаг дэвсгэрт гудамж талбай, олон нийтийн газарт согтуугаар үйлдэгдэж буй гэмт хэрэг, зөрчлийг таслан зогсоох, урьдчилан сэргийлэх, иргэдийн аюулгүй орчинд амьдрах нөхцөлийг бүрдүүлэх, согтууруулах ундааны эргэлтэд хяналт тавих, Архидан согтуурахтай тэмцэх тухай хуулийн хэрэгжилтийг хангах зорилгоор “АЮУЛГҮЙ ГУДАМЖ – ХЯНАЛТ” арга хэмжээг зохион байгуулна. Арга хэмжээ энэ сарын 18-ны өдрөөс буюу энэ баасан гарагаас эхлэх юм. Иймд хороод энэ ажилд идэвхтэй оролцож хамтран ажиллах шаардлагатай гэв.

    “Баянгол Шинэ Өргөө” ОНӨТҮГ-ын Дотоод хяналтын ахлах мэргэжилтэн Г.Даваасүрэн хог цэвэрлэгээ болон тээвэрлэлттэй холбоотой мэдээллийг танилцууллаа. Тэрбээр долоо, наймдугаар сард бороо их орж, үер их болсонтой холбоотойгоор “Баянгол Шинэ өргөө”-н зам талбайн үйлчлэгчид амралтгүйгээр, ачаалал өндөртэй ажилласан. Үер усны улмаас гудамж, авто зам талбайд үүссэн хог хаягдал, лаг, шавар шороог тухай бүр цэвэрлэж, зорчих хөдөлгөөний хэвийн үйл ажиллагааг хангаж ажиллалаа. Хог тээвэрлэлтийн тухайд энэ жил ДТХО-аар 7 машинаар парк шинэчлэл хийж байгаа. Өнөөдрийн байдлаар 5 машин хүлээн авч үйлчилгээнд гаргасан бол удахгүй хог тээврийн 2 машинаа хүлээж авна. Мөн чанарын шаардлага хангахгүй, ашиглалтаас гарсан машинуудаа акталж байна.
Энэ жил өвөлжилтийн бэлтгэл ажлыг хангах ажлын хүрээнд 300 тонн давс авах саналаа холбогдох хэлтэст хүргүүлсэн. Энэ жил төв зам дагуух цэвэрлэгээг нийслэлийн ЗАА-тай гэрээ байгуулсан аж ахуй нэгжүүд хариуцсан гүйцэтгэх бол “Баянгол шинэ өргөө” хороолол дотор замын талбайн цэвэрлэгээ үйлчилгээг хариуцан ажиллана.

Түүнчлэн энэ баасан, бямба гарагт дүүргийн нутаг дэвсгэрт шарилж устгах их цэвэрлэгээг зохион байгуулна. Үүнд ААНБ-ууд болон СӨХ, иргэдийг идэвхтэй оролцуулахад хороод хамтарч ажиллана уу гэв.

Шуурхай зөвлөгөөний үеэр дүүргийн Засаг даргын үүргийг түр орлон гүйцэтгэгч Д.Жаргалсүрэн хэд хэдэн зүйлд анхаарч ажиллах шаардлагатай байгааг онцоллоо. Тухайлбал, 2023-2024 оны хичээлийн шинэ жил эхлэх гэж буйтай холбогдуулан, цэцэрлэгийн багш болон хүүхдүүдээс авах шинжилгээг ямар нэг хүндрэлгүйгээр зохион байгуулах, мөн ТҮЦ-үүдийг нүүлгэх ажил өнөөдрөөс эхлүүлж байгаа тул дүүргийн холбогдох хэлтсүүд хороодын Засаг дарга нар дүүргийн Газар зохион байгуулалтын алба, Цагдаагийн газартай хамтран шаардлагатай арга хэмжээг авч, зохион байгуулах шаардлагатай байгааг онцлоод дараах үүрэг даалгаврыг өглөө. Үүнд: