Татварын Ерөнхий Газрын дарга Б.Заяабал: 2023 оноос эхлэн мөрдөгдөх Хувь хүний орлогын албан татварын тухай хуулийн өөрчлөлт нь зөвхөн сарын 10 сая төгрөгөөс дээш цалингийн орлоготой хүнд хамаарна. Монгол Улсад жилдээ 1 тэрбум төгрөгөөс дээш цалингийн орлоготой 57 иргэн байдаг. ХХОАТ-ын нэмэлт өөрчлөлтөөр зөвхөн 1300 иргэний татвар нэмэгдэж байгаа. 10 сая 100 мянган төгрөгний орлоготой иргэн 10 сая төгрөгдөө 10 хувиар хэвээрээ. Харин давсан орлого 100,000 төгрөгдөө 15 хувиар татвар ногдуулна.
Сарын 10 сая төгрөгөөс доош орлоготой нийт иргэн хувь хүний 99.9 хувьд энэ татвар нөлөө үзүүлэхгүй. Энэ татварын өөрчлөлтөөр хувиараа бизнес эрхлэгчдийн одоогийн татварт өөрчлөлт орохгүй. Банкны дансны гүйлгээнээс татвар авах мэтээр олон нийтийн сүлжээнд явж байгаа мэдээлэл нь үндэслэлгүй буруу ташаа мэдээлэл.
Дэлхий дээр татварын орлогын шаталсан системтэй 160 орон байдаг аж. Татварын шаталсан системгүй улсын тоо 10 хүрэхгүй бөгөөд үүний нэг нь манай улс юм байна.
