Намрын дунд сарын шинийн 17-ны Балжинням, Дашням давхацсан билэгт сайн өдөр Төв аймгийн Гэр бүл, хүүхэд, залуучуудын хөгжлийн газар, Залуучуудын хөгжлийн төвөөс “Гэр бүлийн андгай өргөх, гэрлэлтийн гэрчилгээ гардуулах” ёслолын арга хэмжээг зохион байгууллаа.
Энэ арга хэмжээний зорилго нь залуу гэр бүлд уламжлалт ёс заншлыг эрхэмлэн дээдлүүлэх, монгол гэр бүлийн уламжлалт хэв шинжийг хадгалан хамгаалах, журамт үүргээ биелүүлж, үр хүүхэд, эцэг эх, төр нийгмийн өмнө үүрэг хариуцлагаа ухамсарлахад оршиж байгаа юм.
